女星張栢芝入行至今,一直是圈中公認的好戲之人,2004年更憑爾冬陞執導的《忘不了》奪得香港電影金像獎影后。日前,小寶為ViuTV節目《導演.門2》擔任嘉賓,問到哪位前輩演員值得新人學習?向來敢言的小寶即談起當年與栢芝合作的軼事:「女演員方面好難去講……張栢芝,我好耐冇見佢。」直言與栢芝合作時,對方曾經為了照顧座駕爆胎的胞弟,在片場一心多用不停講電話,他說:「我話爆胎,你咪叫架拖車幫佢囉!佢真係好鍾意照顧人,咁樣(講電話)好阻礙整個拍攝進度嘛,等到天黑已經冇耐性再等,咪叫Roll機囉!」令人意想不到的是,栢芝放下電話埋位,即呈現出小寶想要的感覺,他表示:「佢演完嗰個Shot之後,你真係吹佢唔脹!放低電話,就交到(戲)畀你。」