藝人吳若希主持的TVB Plus節目《奇情谷》，近日以「離婚後的二次人生」為主題，邀來剛宣布離婚的李蘊擔任嘉賓，是她婚變後首度亮相幕前。她與歌手鄧紫棋（G.E.M.）及名媛何超蓮私交甚篤，超蓮透過電話力撐好友：「佢做主播、出歌，我都繼續支持！佢為咗小朋友，想陪住佢哋大，真係冇乜自己生活，依家出番嚟做嘢係百分百支持！」超蓮又指李蘊向來怕麻煩到人：「好多時件事過咗，佢至輕描淡寫講番出嚟，唔想將唔開心帶畀朋友，我同G.E.M.都好心痛。」李蘊聽罷哭成淚人︰「大家背景已經唔一樣，人哋嘅說話已經唔好聽，但我哋嘅友誼自己知就得。」