影后余香凝主演的劇集《麻甩媽咪》熱播中，其囝囝Clement亦有臨時拉伕「客串」，原來她一對子女都遺傳了媽媽的演藝細胞，余香凝坦言大女Clare很喜歡在舞台上演出，與觀眾即場互動，而Clement首次亮相幕前完全事出偶然：「導演想一鏡到底，如果用假B拍嘅話，機位要避嚟避去，咁啱我個仔當時瞓醒同食飽奶奶，就送佢嚟幫手，佢完全冇喊喎，仲好好奇咁周圍望。」