藝人莊思明與男友楊明昨日出席活動，被問到有網民將其姊莊思敏疑違法在室內吸煙的短片放上網一事，思明表示家姐沒有提及，又直指於室內吸煙不對：「佢好少食煙，可能係私人聚會，應該係包咗場，喺許可情況下先咁做，平時佢唔食煙，可能飲咗啲酒，開心食一啖。（莊思敏話冇食？）可能揸住，我睇似雪茄，可能吸一啖未定。」又指家姐應該知道不對，毋須她再提醒，亦覺得毋須緝兇，但要「帶眼識人」。對於莊思敏事後發貼文晒出同場一名女子的照片，疑似緝兇，思明估計家姐可能想知道誰公開私照，因為相信場合上都是相識的朋友。