港隊女足上周四在Kallang Football Hub與新加坡女足上演閉門友賽，經雙方協議下賽果不作公開。今日下午5時與新加坡女足上演第2場「拍跳」，效力加拿大球隊NSGSC Renegadec的中場曾柏同，昨日接受訪問時表示已適應當地天氣，又指大軍目前狀態十足：「嚟到新加坡之後，自己都用咗幾日時間去適應天氣，因為加拿大依家未有咁熱。目前全隊狀態都Okay，新加坡冇香港咁潮濕，閉門場比賽覺得反映到近幾次集訓成果都發揮到出嚟，大家用波、做組織同壓迫都做得幾好。」

曾柏同又形容隊友間磨合進度良好，是役會集中精神應付對手：「睇得出大家默契愈嚟愈好，今場大家可以多啲互相提點，同集中精神比賽，相信防守可以做得更好。」結束新加坡之旅後，港女足將於明日上午乘搭班機返港。

文：文嘉靖